Syrcas o Gymru yn Efrog Newydd - Halen Môn

Arloesedd, ymrwymiad a chymuned – mae syrcas enwog NoFit State yn cynrychioli cymaint o bethau gwych Cymru, a ‘da ni’n hoffi meddwl bod Halen Môn yn gwneud yr un peth. Er efallai nad oedd y cydweithio yn ddisgwyliedig, mae gennym lawer yn gyffredin gyda’r cwmni syrcas llwyddiannus, deinamig sy’n cynrychioli Cymru ledled y byd, ac roeddem wrth ein bodd i fod yn halltu eu popcorn wrth iddynt gymryd eu sioe trawiadol, ‘Bianco’, i Efrog Newydd.NoFit_State_2

Drwy gydol mis Mai, roedd y cwmni wedi ymgartrefu yn uniongyrchol o dan Pont Brooklyn, Efrog Newydd. Da ni’n siarad o brofiad wrth ddweud bod y sioe yn hollol fythgofiadwy. Fel dywed NoFit State:
‘Mae syrcas cyfoes wedi gwreiddio yn y gymuned deithiol sydd yn troi i fyny, codi pabell, ennyn cynulleidfa, ac yna gadael gyda glaswellt gwastad fel yr unig atgof i ddangos eu bod erioed yno. Y syrcas yw’r dieithriaid sy’n byw yn ein plith – ac os ydym yn rhedeg i ffwrdd i ymuno â nhw, rydym yn taflu ein swildod, ein confensiynau, a rheolau cymdeithas sefydlog i ffwrdd’.
No_FIt_State

Halen Môn eisoes yn cael ei ddefnyddio gan gogyddion, cynhyrchwyr a chariadon  bwyd ar hyd a lled America – o fwyty enwog Dan Barber Blue Hills yn Ninas Efrog Newydd i unigolyn sy’n gwneud caws artisan yn Texas, ond dyma’r tro cyntaf i ni erioed halltu byrbrydau syrcas o’r ansawdd uchaf yr ochr arall i’r Iwerydd.
Os ydych yn awyddus i weld  syrcas NoFit State ychydig yn nes at adref, byddant yn perfformio’r sioe newydd yn Pontio Bangor, ar Orffennaf 10fed.

beach

Stay in touch

We put a lot of time and care into our newsletters, and want them to be something you look forward to opening rather than deleting.

Expect original recipes from brilliant chefs, links to interesting and delicious things, and of course, plenty of beautiful pictures of the Salty Isle. It's a flicker of Ynys Môn in your inbox, around once a month.

We know you get a lot of emails and we promise not to go overboard. You can unsubscribe at any time.

0
Your basket