Pasta courgette wedi’i goginio’n araf Sam Lomas
INGREDIENTS
Digon i 2
-
160g o basta orecchiette
-
400g corgettes bach
-
4 tomato eirin
-
6 ewin o arlleg, wedi’u plicio a’u sleisio’n fân
-
1 llond llwy fwrdd o daragon, wedi’i dorri
-
70ml olew olewydd o’r radd flaenaf
-
150g o gaws gafr meddal
-
Halen Môr Gwyn Pur Halen Môn
-
Pupur du, wedi’i falu’n ffres
-
Perlysiau caled, fel rhosmari, saets, dail bae a marjoram
-
Ffenigl blodeuol a marjoram (dewisol)
Cynheswch y popty i 160.
Chwarterwch y tomatos a’u threfnu ar hambwrdd pobi bach, rhowch olew olewydd drostynt, gwasgariad da o’r perlysiau caled a digon o halen môr a phupur.
Rhostiwch yn y ffwrn am 1 awr nes bod y tomatos yn dechrau dwysáu mewn blas ac yn dod yn grychlyd ar yr ymylon
Sleisiwch y courgettes yn rowndiau tenau.
Gosodwch badell ffrio drom lydan ar wres canolig. Ychwanegwch ddigon o olew olewydd i waelod y badell, byddwch yn hael yma, mae’r olew olewydd yn rhan hanfodol iawn o’r saws felly bydd angen cwpl da o lwy fwrdd arnoch chi.
Dechreuwch goginio’r garlleg wedi’i sleisio yn yr olew olewydd a phan fydd yn dechrau troi’n euraidd, ychwanegwch y courgettes wedi’u sleisio a’u sesno’n dda.
Coginiwch y courgettes yn yr olew olewydd yn araf, bydd hyn yn cymryd o leiaf 15 munud. Rydych chi eisiau i’r courgettes feddalu a dechrau torri i lawr ar yr ymylon ac i’r dŵr gormodol anweddu.
Dewch â sosban o ddŵr wedi’i halltu’n drwm i’r berw a choginio’r orecchiette am 10 munud, draeniwch a chadwch ychydig o’r dŵr coginio pasta.
Cymerwch y tomatos wedi’u rhostio a’u hychwanegu at y badell gyda’r courgettes, gan sicrhau eich bod yn cael unrhyw sudd o’r tun rhostio.
Ychwanegwch y orecchiette al dente i’r sosban o courgettes a thomatos, trowch y taragon wedi’i dorri i mewn ynghyd â sblash da o’r dŵr pasta i greu saws hufennog. Sesnwch gyda mwy o halen, pupur ac olew olewydd yn ôl eich dewis.
Gwasgarwch dros y caws gafr meddal, ffenigl a blodau’r oregano a’i weini.
