Cywydd yr Halen gan John Williams, 1839 - Halen Môn

Cywydd yr Halen
John Williams, 1839
(Ioan ap Ioan; 1800 – 1871), Gweinidog y Bedyddwyr ac awdur

Oh! am ganwyll pwyll i’m pen
I hylaw wel’d lles Halen,
Ac awenydd, lwysrydd lên,
I hwylus brydu i Halen.
Myn pawb mai câs iawn mewn pen
Yw ŵy hilig heb Halen:
Hylwgr yw’r oll, heb Halen,
A llwyr wael, sydd is lloer wen.
Holi yn glau am Halen
I’w cawl mae ieuangc a hen.
Hiliai y cig heb Halen,
Madronai, prydai i’r pen.
O ddifri’, ‘chaem ni îs nen,
Heli oni b’ai Halen:
E welir fel mae Halen
Yn rhôdd o drefniad ein Rhên:
Is haul fe drefnws Halen
Rhag madreddau, heintiau hen.
Y byd, madronai i ben,
Byw helynt, on’ bau Halen

Fraint werthfawr! yn awr, îs nen,
Y Duw Hael, mae dau Halen –
Halen naturiol hylwydd,
A Halen gras, rhadras rhwydd;
Halen cyfamod Celi;
Halen yr Ion, radlon Ri;
Halen o elfen eilfyd;
Halen Iôr i buro’r byd;
Halen yr Iesu haelwych;
Halen pêr, gwiwber, a gwych.
Crawen o Halen helaeth
Iôr y nef, yn wir, a wnaeth
Fyrdd yn saint mewn braint a bei,
Coelier, ar ddelw ein Celi:
A Halen yw hwn eilwaith
Ganmolir, folir yn faith.
Ys Halen, os craff sylwir,
O hwn ydyw’r saint yn wir;
Halen o Halen ynt hwy,
Rai didwyll, mae’n gredadwy.
O Dduw, gwna fi fel Halen,
Bob awr, o les mawr, Amen.

beach

Stay in touch

We put a lot of time and care into our newsletters, and want them to be something you look forward to opening rather than deleting.

Expect original recipes from brilliant chefs, links to interesting and delicious things, and of course, plenty of beautiful pictures of the Salty Isle. It's a flicker of Ynys Môn in your inbox, around once a month.

We know you get a lot of emails and we promise not to go overboard. You can unsubscribe at any time.

0
Your basket