Mae’r rhain yn hyfryd i gael am de ar ddiwrnod oer. Coginiwch nhw ar faen pobi neu mewn padell ffrio drwchus – neu ar Aga, os ydych yn ddigon ffodus i berchen un. Maent yn rhan draddodiadol o de Cymreig yr arferai gael eu gwneud gan yr aelwyd.

 

Cynhwysion

Am 20 cacen

  • 350g blawd codi
  • 2 lwy de powdr pobi
  • 175g menyn meddal heb halen
  • Pinsiad o Halen Môn Fanila
  • 115g siwgr mân
  • 100g siocled, wedi’i falu
  • 2 lwy fwrdd o laeth
  • 1 wy wedi’i guro

Dull

  1. Mesurwch y blawd a’r powdwr pobi mewn powlen fawr, a rhwbiwch y menyn i fewn nes bod y gymysgedd yn debyg i friwsion bara mân.
  2. Ychwanegwch binsiad o Halen Môn Fanila a chymysgwch yn dda.
  3. Ychwanegwch y siwgr a’r siocled.
  4. Ychwanegwch y llaeth a’r wy wedi’i guro i wneud toes cadarn.
  5. Rholiwch y toes allan ar arwyneb gwaith â blawd arno i drwch o 5mm a’u torri’n gylchoedd
  6. Irwch y maen, padell ffrio neu Aga.
  7. Rhowch y pice ar y maen a’u coginio hyd nes yn troi’n liw euraidd ac yna eu troi drosodd.
  8. Oerwch y pice ar rac weiren, gydag ysgeintiad o siwgr mân ac ychydig mwy o Halen Môn Fanila i roi blas.
  9. Bwytewch gynnes ar y diwrnod yr ydych yn eu gwneud, naill ai ar eu pen eu hunain neu gyda menyn a jam.
0
Your Basket